ОТЧЕ НАШ, его же сынове есмы,

верою о Христе Иисусе. ИЖЕ ЕСИ,

за упование отложенное нам, НА НЕБЕСЕХ.

ДА СВЯТИТСЯ ИМЯ ТВОЕ,

еже быти нам сытыми и непорочными пред Тобою в любви.

ДА ПРИИДЕТ ЦАРСТВИЕ ТВОЕ,

тако да оправдившеся благодатию твоею,

наследницы будем, по упованию жизни вечныя.

ДА БУДЕТ ВОЛЯ ТВОЯ,

благодать спасительная всем человекам,

наказующая нас, ЯКО НА НЕБЕСИ ждати

блаженного упования и явления славы

великага Бога и Спаса нашего Иисуса Христа,

тако И НА ЗЕМЛИ, отвергшимся нечестия

и мирских похотей, целомудренно и праведно,

и благочестно в нынешнем веци пожити.

ХЛЕБ НАШ НАСУЩНЫЙ, не к сласти

плотстей, но ко исполнению нужды житейския,

ДАЖДЬ НАМ ДНЕСЬ, не излишний,

но довольный, И ОСТАВИ НАМ ДОЛГИ НАША,

яко отец сынам прощая вины,

а не яко судия казнь налагая.

ТАКО ЖЕ И МЫ, обычаем ли суще,

ОСТАВЛЯЕМ ДОЛЖНИКОМ НАШИМ:

кольми паче Ты естеством благ сие сотвориши.

И НЕ ВВЕДИ НАС ВО ИСКУШЕНИЕ,

да напасть нас не постигнет.

Аще же и постигнет искушение человеческое,

ты сильный Боже, не остави искуситися паче,

еже можем, НО сотворив со искушением

и забытие, яко возмощи нам понести,

ИЗБАВИ НАС ОТ ЛУКАВОГО:

да не прикасается к нам, но паче, бегает от нас,

тебе всегда в нас действующу, и еже хотети,

и еже делати о благоволении.

ТАКО ТВОЁ Отца Вседержителя ЕСТЬ ЦАРСТВО,

и Сына Искупителя СИЛА,

и Духа освятителя СЛАВА, во веки.

Аминь.